على أد فهمي نعم ---- يبدأ نقل السلطة من الجيش للشعب يأتي مجلس الشعب بانتخابات نزيهة -أخيرا- ويصبح للثورة من يمثلها أخيرا لا ---- خليك يا جيش قاعد شوية انت ما لحقتش تعد يا عم إن شالله تعد 30 سنة كمان على ما نتفق دا انتا منورنا أليست المطالبة بلا من أجل بعض الأشخاص مطلب فئوي ؟ أليس طلب مهلة أطول لأننا لم نعد أنفسنا بعد للديموقراطية كلام عبثي ؟ الإجابات : نعم لأنك ممكن تعمل لمصر كل حاجة حلوة وانت مش رئيس جمهورية وممكن تبقى أنتيم الرئيس الجديد عادي بردو وتقنعوا ان سياستك ومشاريعك زي الفل - وبالنسبة للسؤال التاني برده لأن اللي ذاكر ذاكر ولسة 6 شهور عالامتحانات وأظن الشعب خلاص أسقط النظام وفهم يعني ايه مجلس شعب وشورى وبيعملولنا ايه وسمعت قبل كدة ان الشباب 60% من الناخبين يعني صباح الفل أكيد أغلبية في كل حتة وفرصة الوصول للشباب وتوعيتهم كبيرة جدا وبدورها بتأثر على أفراد عيلته ليه بقى الإخوانوفوبيا ؟ وطبعا الدستور الجديد هيجي يعني هيجي دا من لوحة ميدان التحرير وأنا شخصيا مش هتنازل عن ربع مطلب فيها دا مش هجوم على أي حد بس على عكس ناس كتير حبيت أتكلم بصراحة وعلى بلاطة كدة احنا مش بتوع تليفزيونات لحسن الناس كلها بقت مثقفة أوي وأنا ما بقيتش فاهم حاجة وبالنسبة للتقليعة الجديدة بتاعت المواد ال8 لصلاحيات رئيس الجمهورية الدستور هيتعدل وصلاحياته هتتقلص قدام عينه ومش هيقدر يقف قدام إرادة الناس يا إخوانا دا الجيش والشعب والشرطة إيد واحدة يعني يا يبقى رئيس جمهوريتنا يا يقول أنا رئيس جمهورية نفسي :D
No comments:
Post a Comment